Water Desalination System na matatagpuan sa Mongpong Island

Upang magkaroon ng pagkukunan ng sapat at malinis na tubig ang mga residente sa isla ng Mongpong sa Marinduque, pinasinayaan ang kauna-unahang DOST-funded Water Desalination System project sa isla. Ang pagpapasinaya ay ginanap noong ika-19 ng Abril sa panguguna nina DOST Secretary Fortunato T. de la Pena, DOST-MIMAROPA Regional Director Dr. Ma. Josefina P. Abilay, Gobernador Presbitero Velasco Jr. LGU-Sta. Cruz Mayor Antonio Uy, at Punong Barangay ng Mongpong Hon. Victoria Relano

Pagpapasinaya ng Water Desalination System Project sa Mongpong Island

Ang Water Desalination System ay naglalayong mabigyan ng 24/7 na access sa tubig ang mga mamayang naninirahan sa isla, na hirap dahil sa kawalan ng angkop ng source na tubig sa lugar at kalayuan nito sa mainland. Gamit ang desalination technology, ikino-convert ang tubig-dagat sa malinis na tubig inumin na siya ding magagamit ng mga residente sa pangaraw araw nitong pangangailangan gaya ng pagluluto at paglilinis. Sa kasalukuyan, tinatayang mahigit na 340 na kabahayan o katumbas ng humigit-kumulang na 1,500 na residente ang panimulang makikinabang sa proyektong ito.

Hon. Victoria Relano of Brgy. Mongpong

Sa paglalarawan ng Hon. Relano, ang kanilang komunidad ay nakaranas ng labis na hirap sa paghahanap ng tubig na maiinom kung saan kulang ang mag-hapon upang kumuha ng gallon ng tubig sa bukal. Kanya din ibinahagi na may pagkakataong nagtitiyaga ang mga residente sa pagsahod ng mga timba at palanggana upang makaipon ng tubig mula sa tubig ulan

Residente ng Mongpong na nagiipon ng tubig mula sa isang tabsing na matatagpuan sa isla

Kaugnay nito inihayag din ng Mayor Uy na bagamat napapaligiran ng tubig, gumagastos pa ang mga taga 29 Mongpong dahil sa karatig bayan o lalawigan pa sila nag-aangkat nito.

LGU-Sta. Cruz Mayor Antonio Uy

Ang inuming tubig po dito, itinatawid pa mula sa Quezon o sa aming karatig bayan, lahat ng mga water containers. Kaya isipin na lamang po ninyo ang karagdagang gastos upang makarating ang tubig sa islang ito. Gastos sa krudo ng bangka, gastos sa pamasahe, idagdag mo pa ang pagod ng pagbuhat upang makarating ang tubig na ito sa mga hapagkainan.”

Sa tulong ng water desalination system, ang isang container ng tubig ay nagkakahalaga na lamang ng 20 pesos, mula sa 60 pesos na halaga nito. Ani Mayor Uy, “this translates for strong purchasing power for the residence of Mongpong who can now have money to save for other beneficial purposes”.

Kaya naman, saad ni kapitana na maituturing umano na katuparan ng pangarap at isang kasaysayan ang pagkakaroon ng water desalination sa isla. Bukod sa siguradong pagkukunan ng malinis na tubig, magbibigay daan ang water desalination system upang makaipon ang mga mamamayan para sa kanilang mga pamilya at magkaroon ng sapat na oras para makapag-aral, makapag-trabaho, o makibahagi sa mga mahahalagang aktibadades sa lugar.

“Kung kaya’t sa mga oras na ito ay labis labis at taos puso akong nagpapasalamat sa mga taong naging bahagi upang ang proyektong ito ay magkaroon ng katuparan. Sa DOST na laging kaagapay, walang sawang nagmahal, nagtiyaga, at nagsumikap upang maisakatuparan ang proyektong ito”

Binigyan diin naman ng Punong Panlalawigan na si Governor Presbitero Velasco Jr. ang kahalagahan ng pagkakaroon ng access sa mga pangunahing pangagailangan sa isla. Bukod sa water desalination, pinasalamatan ng gobernador ang DOST para sa pagbibigay ng mga teknolohiya na maaring makatugon sa iba’t ibang aspeto tulad na lamang ng malnutrition at edukasyon ng mga mamamayan sa lalawigan.

“Hindi aasenso ang Marinduque kung hindi po talaga natin aayusin ang pangangailangan ng ating mga isla… So memorable day po ito para sa atin at mayroon na tayong desalination project na maari po natin magamit sa pagiinom. Talaga pong ang DOST ay napakalaki po ng naitulong dito sa Marinduque. At kahapon nga lang po ay binuksan natin ang Rice Mongo Curls Factory. Ngayon ay operational na at makakatulong ito ng malaki sa mga kabataan at matugunan ang malnutrisyon sa ating probinsya… Marami pa pong project po ang DOST katulad po ng pagbubukas ng Science Centrum kahapon. Makikita sa MSC ang isang tulad ng tourist attraction na makakaenganyo sa marami na bigyang interes and Siyensya at Teknolohiya”

Marinduque Governor Presbitero Velasco Jr

Gayundin, ipinahayag ni DOST Secretary Fortunato T. de la Pena na ang Water Desalination System na ito ay magbibigay daan upang magkaroon ng pagkakapantay-pantay ang bawat Pilipino. “At kami sa DOST naniniwala na ang pagunlad ng Pilipinas, ay nakasalalay sa pagunlad ng lahat. Hindi ppwede na ang umunlad lang ay Boac, hindi pwedeng ang umunlad lang ay ang Maynila. Kailangan lahat ng lugar ay umunlad”.

Nagpasalamat naman si DOST-MIMAROPA Regional Director Dr. Ma. Josefina P. Abilay sa masigasig na pakikiisa ng mga taga Barangay Mongpong sa proyekto. Aniya, isang mahalagang aspeto ang pagkakaroon ng “reliable partner” sa katauhan ng sangguninang barangay, barangay health workers, at residente na may kakayanan na mapatakbo at maalagaan ang proyekto ng matagalan.

Ang sangguinang barangay, Brgy. Health Workers, at mga residente mula sa Mongpong Island

Nagkaroon din ng unveiling ng Water Desalination System Project marker na siyang magsisilbing tanda ng pagtatayo ng kauna-unahang DOST-funded water desalination system sa Mongpong Island, at tour sa Water Desalination System Facility ang mga kalahok.

Nagtayo ng isang marker sa Water Desalination System Facility sa Mongpong upang maging tanda ng kasaysayan bilang kauna-unahang
DOST-funded water desalination project sa buong Pilipina